Die 4 Theme vom VKU si gsetzlech vorgä. Der erscht Abe schteit ungerem Motto "Verkehrssehen". Du lehrsch ahand vo Bispiu wie dass me d Gfahre im Strasseverkehr müglechscht früeh cha erkenne. Zudäm geits a däm Abe ou um die verschiedene Blicke im Strasseverkehr. D "Verkehrsumwelt" beschäftiget üs am 2. Abe. D Verkehrspartner - u da gits vei echli viu - wärde genauso wie die ungerschiedleche Strasse analysiert und agluegt. Am 3. Abe geits um d "Verkehrsdynamik". Wie läng isch der Brämswäg bi Tempo 50? U när schaffe mir natürlech ou direkt am Outo und luege a, wo dass me ds Öu u z Schibewüschwasser mues ifülle, we im Armaturebrätt z Lämpli mau sött uflüchte. Bim Abe zum Thema "Verkehrstaktik" geits de nomau so richtig zur Sach. Aukohou u Droge im Strasseverkehr, geit das? Mit was für Medikament darf me no Outo fahre? Wie muess i da im Verkehr fahre, dass i mis Portmonee u d Umwäut am wenigschte belaschte?
Das isch d Churzform vo dene vier Äbe. Het di das agsproche? De mäud di doch bi üs füre VKU a. Übrigens, üsi Kürs si für aui offe, o we du bimene angere Fahrlehrer oder bire angere Fahrlehrerin lehrsch Outofahre.